今日去食嘅係一間螺螄粉店，旺角嘅螺螄粉店呢一間雖然掂細但係都有啲小名氣，店名:螺絲町 間店雖然細細地但係裏面嘅裝飾真係好靚，佢哋間店有鹿角燈，真係好耀眼啊，個人認為裝飾仲帶住一啲日本嘅感覺，先講返主題先，呢一間螺螄粉嘅店價錢好合理而且裏面啲嘢食都好真係好香，我只係經過門口都聞到一陣好大嘅螺螄粉味，真係令我唔入去都唔得，呢一間最特色嘅螺螄粉就係龍蝦螺螄粉喇，雖然真係好可惜今次去已經冇咗龍蝦螺螄粉，但係我哋今次試咗其他嘅螺螄粉 

施：我嗌嘅呢就係“脆皮燒肉螺螄粉”，原先我冇乜太大期望但係一入口竟然比我一種好驚訝嘅感覺，呢一碗唔係好辣亦都唔係好少喇啱啱好適合一啲未食得太辣嘅人，而且脆皮燒肉真係好脆外皮，內軟外脆，不過我覺得啲餸仍然係有啲少尤其是係蔬菜 蔬菜只有一塊，作為一個素食者，真係唔點鍾意食肉不過呢一次肉係有啲驚訝嘅，不過建議加多啲菜

王：我食嘅係“滷大腸螺螄粉”呢個配搭有些怪，但係呢個配搭就像臭上加臭 對於一個很喜歡螺螄粉 豬大腸嘅人真係好推薦！

地址：旺角通菜街華發大廈F舖

店名：螺螄町